لیستی پزیشکان

خزمەتگوزارییەکی لاوەکییە و ئاسانکاری بۆ نەخۆش دەکات لە دۆزینەوەی ئەو دکتۆرەی کە پێویستیەتی لە هەر شارێکی کوردستان. وەکو سەرەتایەکیش بە لیستێکی سادەی پزیشکە پسپۆڕەکانی شاری هەڵەبجە دەست پێکراوە.

دڵدانەوە و ئومێد

ئامانجی سەرەکی و گرنگترین بەشی پڕۆژەکە و بەسودترین خزمەتگوزارییە. بریتییە لە دڵدانەوەی نەخۆشەکان و بەخشینی ئومێد پێیان بە پیشاندانی ڕووی جوانی نەخۆشی و ناخۆشییەکان. هەروەها دەستنیشانکردنی کەلێنی مەعریفی پزیشکان و یارمەتیدانیان بۆ تێگەیشتن لە حەقیقەتی زانستی پزیشکی و ئەرکی ڕاستەقینەی پزیشکان. بۆ ئەمەش ان شاءاللە پشت بە دیراسە و خوێندنەوە و موتاڵای ریسالەی نوور دەبەسترێت کە کانگای حەقیقەتە ئیمانی و قورئانییەکانە.

ترەینینگ و چالاکی زانستی

بەشێکی گرنگە بۆ پڕکردنەوەی هەندێک لەو بۆشاییانەی کە لە سیستمی فێرکاریدا هەیە بۆ پێگەیاندنی پزیشکان. ئەمەش لە ڕێگەی گفتوگۆی زانستی و خوێندنەوە و پێداچوونەوەی زانستە بنچینەیی و کلینیکییەکان و نوێترین توێژینەوەکان بە شێوازی پۆدکاست و وێبکاست و ئۆن دماند ڤیدیۆ.

هۆشیاری تەندروستی و کۆنتێنت مارکێتینگ

بەشێکی سەرەکی پڕۆژەکەیە و یەکێکە لە بەرهەمەکانی خزمەتگوزاریی ترەینینگ و چالاکی زانستی. ئەویش بە داڕشتنەوەی بابەتە زانستییەکان و نوسین و بڵاوکردنەوەی زانیاری تەندروستیی مەوسوق و مورەتەب بە دوو سێ ئاستی تێگەیشتنی جیاواز:

• ئاستی پسپۆڕی: بۆ پزیشکان و خوێندکارانی کۆلێژی پزیشکی و پەرستار و تەندروستکاران.

• ئاستی ناوەندی: بۆ کەسێک کە زانیاری سەرەتایی لەبارەی جەستەوە هەبێت.

• ئاستی سەرەتایی: حسابی تێگەیشتنی خەڵکی عام دەکرێت. وادادەنرێت کەسی بەرامبەر نەزانێت خانە و شانە چییە.

ئەمەش هەنگاوێکە بۆ گەڕاندنەوەی کات و تاقە و سومعەی بەفیڕۆچووی پزیشکان بە تایبەت پزیشکە گەنجەکان چونکە ڕزگاریان دەکات لە زۆرلەخۆکردن بۆ بەرهەمهێنانی پۆست و ڤیدیۆی دوبارە و بێ تام و ڕیکلام ئاسا لە سۆشیاڵ میدیاکان. هەروەها ڕەخساندنی دەرفەتە لە ناوەندی قۆرخکاری و هەژموونی تاقمێک پزیشکی دیاری کراو و کۆمەڵگە پزیشکی و سەرمایەدارەکان. 

وەکو سەرەتایەک لە پسپۆڕێتی ڕۆماتیزمەوە دەست پێ کراوە بە بەشداریی دکتۆر ڕزگار تەیب، ڕاهێنراو لە نەخۆشییە ڕۆماتیزمییەکان.

• گەشەپێدانی ئەپی تایبەت بۆ مۆبایل و تابلێت و وێب

• دابینکردنی داتابەیزی تۆماری زانیاری و وەرگرتنی سەرەی چاوپێکەوتن

• وەڵامدانەوەی خێرا و چاوپێکەوتنی سەرهێڵ

• چاپکردنی بڵاوکراوەکان بە شێوەی نامیلکە و کتێب و گۆڤار

• دروستکردنی ڤیدیۆی فێرکاری و ئینفۆگرافی سەردەمیانە

• فراوانتر کردنی پڕۆژە بۆ ئاستی عێراق و دراوسێکان

وەکو ئاماژەمان پێدا ئەم پڕۆژەیە قازانج نەویستە و لە ئێستادا پشت بە کاری خۆبەخشی دەبەستێت. لە ئەگەری دانانی حەوزی داهات لە داهاتوودا تەواوی داهاتەکە بۆ خودی پڕۆژەکە و زیاتر خزمەت کردنی هاوڵاتیان  سەرف دەکرێتەوە. واتە ئامانج لێی کۆکردنەوەی پارەو دەوڵەمەند بوون نییە. ئەوپەڕی خاوەنانی پڕۆژەکەش وەکو کارمەندێکی ئاسایی تەنها بە گرتنەئەستۆی ئەرکێکی پڕۆژەکە موچەیان بۆ دابین دەکرێت.

ڕێگای یەکەم: بڵاوکردنەوەی ئەم ئیعلانە

ئاسانترین شێوازی هاوکاری کردنە.

ڕێگای دوهەم: تەواوکردنی لیستی دکتۆرەکان

ئەمەش بە ئیزافەکردنی دکتۆرەکانی شارەکەت کە لە لیستەکەدا نین لە ڕێی پڕکردنەوەی فۆڕمی تایبەتەوە کە لە بەشی بەستەرەکان لە خوارەوە دەتوانن بیکەنەوە.

ڕێگای سێیەم: پسپۆڕێتییەکەت

بە پێی پسپۆڕییەکەت و لەگەڵ یەکێک تیمەکانماندا بڕێک لە کاتی خۆتمان بۆ تەرخان بکەو هەندێک ئەرکی پڕۆژەکە لە ئەستۆ بگرە. دەتوانیت لە بەشی بەستەرەکان لە خوارەوە فۆڕمی تایبەت بە پسپۆڕییەکەت پڕبکەیتەوە.

ڕێگای چوارەم: تێچووی مادی

دەتوانیت بە قەرز یان بە خێر لە تێچووی پڕۆژەکەدا بەشدار بیت بۆ ئەوەی زووتر بگاتە ئەنجام و لە چاوەڕوانی خۆبەخشیدا نەمێنێتەوە. بۆ زانینی بڕی پێویست بۆ سەرخستنی پڕۆژەکە لەم قۆناغەدا و شێوازی دەفعەکەی سەردانی بەشی بەستەرەکان لەخوارەوە بکە.

لینکی بەرایی پڕۆژەکە:

https://sites.google.com/view/yashafi/home

فۆرمی ئیزافەکردنی پزیشک:

https://forms.gle/mrUEzUg716gQVYZw9 

فۆڕمی پسپۆڕێتییەکان:

https://forms.gle/a7cKQEZJYYgxMHpB9 

فۆڕمی هاوکاری مادی:

https://forms.gle/DFmnePgZfWt3tk1G8